Maduro për fituesen e Çmimit Nobel për Paqen: Machado është një shtrigë djallëzore

13 Tetor 2025 | 17:30

Presidenti i Venezuelës, Nicolas Maduro, e quajti sot fituesen e Çmimit Nobel për Paqen dhe udhëheqësen e opozitës, María Corina Machado, një “shtrigë djallëzore”, duke shtuar se ajo nuk mbështetet nga 90 për qind e popullsisë së vendit.

Në fjalimin e tij me rastin e Ditës së Rezistencës së Popujve Indigjenë, Maduro shmangu përmendjen e faktit që Machado fitoi Çmimin Nobel, raportoi “Mundo”. Sipas gazetës, televizioni dhe radioja shtetërore e Venezuelës censuruan mbulimin e çmimit Nobel për Machadon.

Në të njëjtën kohë, Maduro tha se është gati të përballet me “kërcënimet imperialiste”.

“Le ta dinë imperialistët se ne jemi populli i trashëgimtarëve të luftëtarëve të Karaibeve që gëlltisin zjarrin”, tha presidenti i Venezuelës.

Qeveria në Karakas ka frikë se SHBA-të së shpejti do të kalojnë në fazën e dytë të vendosjes së tyre ushtarake në rajonin e Karaibeve për të sulmuar objektiva tokësore të lidhura me kartelin e drogës Los Soles.

Uashingtoni pretendon se Maduro është në krye të një rrjeti trafikimi droge të përbërë nga gjeneralë dhe zyrtarë të lartë, si dhe guerilas kolumbianë, që thuhet se po e përmbyt SHBA-në me drogë.

“A mendoni se populli ynë ka frikë prej jush? A mendoni se populli ynë do të dorëzohet? Askush këtu nuk do të dorëzohet”, i tha Maduro opozitës, të cilën ai pretendon se mbështet ndërhyrjen ushtarake kundër Venezuelës.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Rutte në vizitë në Shtëpinë e Bardhë, kreu i NATO-s përpiqet të zbusë tensionet me presidentin Trump

Sekretari i Përgjithshëm i NATO-s, Mark Rutte, u përpoq të qetësonte tensionet me Presidentin Donald Trump në Shtëpinë e Bardhë të mërkurën, duke përdorur një...
11:48 | 25/06/2026

Rubio: Çdo marrëveshje me Iranin do të sigurojë sigurinë e aleatëve të Gjirit

Sekretari i Shtetit i SHBA-së, Marco Rubio u tha aleatëve të Gjirit të enjten se çdo marrëveshje me Iranin do të merrte parasysh interesat e...
11:42 | 25/06/2026

SHBA kërkon 88 miliardë dollarë pas luftës në Iran, Trump: Teherani nuk do ketë armë bërthamore, aleatët europianë na braktisën

Presidenti i SHBA-së, Donald Trump, deklaroi se marrëveshja e arritur me Iranin ka garantuar që Teherani të mos zotërojë kurrë armë bërthamore, duke e cilësuar...
11:41 | 25/06/2026