Makinat dhe pronat e dëmtuara, 87% janë dëmshpërblyer

Makinat apo banesat e dëmtuara gjatë vitit 2022 janë paguar nga kompanitë e sigurimeve në masën 87%. Të dhënat e përpunuara nga Autoriteti i Mbikëqyrjes Financiare, tregojnë se numri i dëmeve të mbetura pezull është në nivelin më të ulët historik.

Pra, vetëm 13% e atyre që kanë një policë sigurimi për makinën apo pronën janë në pritje të dëmshpërblimit, me status në proces vlerësimi, të miratuara por ende të papaguara ose në proces gjyqësor.

Referuar të dhënave, nga viti 2010-2016, raporti është luhatur në shifrat 24%-28%, ndërsa në vitin 2017 ka pësuar ulje, për t’u rritur në vitin 2019 në masën 21.2%, ndikuar kryesisht edhe nga efekti i dëmeve të dy ngjarjeve të tërmetit.

Nga viti 2019 trendi ka vijuar në rënie, për shkak të ndryshimeve në ligjore  në afatet e dëmshpërblimit dhe kontrolleve që i bëhen shoqërive të sigurimit.

Kjo është reflektuar direkt edhe në uljen me rreth 20% të numrit të praktikave të dëmeve pezull, nga 10,750 në fund të vitit 2021, në 8600 në fund të vitit 2022.

LEXONI GJITHASHTU:

• EKSKLUZIVE/ Video kur persona të maskuar djegin makinat e biznesmenit në Vlorë
• 8-vjeçari mekanik, historia e djalit që i rregullon vetë makinat