EKSKLUZIVE/ Video kur persona të maskuar djegin makinat e biznesmenit në Vlorë

Euronews ka mundur të sigurojë videon ekskluzive kur persona të maskuar i kanë vënë zjarrin automjeteve të biznesmenit në Vlorë, Zamir Kormuzi.

Nga pamjet dallohen qartë dy persona të cilët mbajnë në dorë dy shishe me lëndë djegëse teksa i afrohen mjeteve të parkuara në anë të rrugës. Ngjarja ka ndodhur rreth orës 1:53 të mëngjesit të së premtes në lagjen “24 Maji” të qytetit të Vlorës.

Pasi spërkasin më lëndën djegëse makinat, personat e maskuar u vënë zjarrin dhe largohen me shpejtësi nëpër errësirë.

Biznesmeni dyshon se zjarrvënie ka ndodhur për shkak të konkurencës së biznesve të tij.

Së bashku me makinat e biznesmetit Kormuzi janë djegur dhe automjetet e shtetasve me inicialet  D. S  dhe Y. I.

LEXONI GJITHASHTU:

• VIDEO| Me pranga dhe kapuç në kokë, momenti kur shoqërohet në gjykatë Viola Sterjo
• “Më mori 160 mijë euro”/ Denoncimet që çuan në burg Viola Sterjon