Makinat historike të anëtarëve të grupit Beatles ekspozohen në Londër

Një rikthim i Beatles, apo diçka e tillë. Makinat klasike “Mini Cooper” në pronësi të Paul McCartney, George Harrison dhe Ringo Starr janë ekspozuar në Londër.

Modeli i automjeteve në fjalë u bë simbol i viteve ’60 në Britani dhe anëtarët e Beatles ishin koleksionistë të zjarrtë.

Por vetëm tre nga katër automjetet u mblodhën në eventin për të përkujtuar 60-vjetorin e “Mini Cooper”.

Ajo që ishte në pronësi të John Lennon u shkatërrua si pasojë e një përplasjeje në vitet ’70, edhe pse rrethanat e aksidentit nuk dihen ende.

Makina më interesante e koleksionit ishte ajo e George Harrison, që ironikisht konsiderohej si anëtari i qetë i grupit.

Fillimisht “Mini Cooper-i” i tij kishte ngjyrë të zezë, por ai punësoi dy artistë holandezë për ta gjallëruar atë me ngjyrë të kuqe dhe motive të ndezura.

Më vonë, Harrison ia la makinën mikut të tij të ngushtë Eric Clapton, që e ngjyrosi sërish me një ngjyrë më të zymtë dhe e la të ndryshkej në një fermë.

Sidoqoftë, sot automjeti mbetet pronë e familjes Harrison.

LEXONI GJITHASHTU:

• Aksident në Durrës, makina përplaset me bordurat në rrugë, plagoset shoferi
• Makina përplaset me motorin në Vlorë, një i plagosur