Numri i makinave të regjistruara në Europë në dy muajt e parë të vitit ra me 3%. Tregjet e mëdha si Gjermania, Italia e Franca regjistruan rënie, ndërsa Spanja si pjesë e Bllokut Europian njohu rritje rreth 8%.

Në raportin që publikon Shoqata Europiane e Prodhuesve të Automjeteve, në muajt janar-shkurt u regjistruan 1.68 mln makina private, nga 1.74 mln në vitin 2024.

Rënia shihet edhe në fabrikat e prodhimit, ku grupe gjigante që përfshijnë marka të mëdha  të tilla si Volksvagen, Stelantis, Mercedes Benz, Tojota apo dhe Tesla, kanë nxjerrë mijëra njësi më pak se vitin e kaluar.

Konkurrenca dhe prirja  për të shkuar tek makinat elektrike ka ndikuar në këto linja prodhimi, dhe kjo shihet edhe në statistikat e përgjitshme, ku makinat me naftë e benzinë po zënë më gjithnjë e më pak vend në rrugët e Europës.

Ndërkohë, në Shqipëri nuk ka ende të dhëna nga Drejtoria e Transporteve për importin e mjeteve këtë vit, por me ecurinë e vitit 2024, këtu regjistrohen rreth 8000 makinë çdo muaj, nga të cilat, ku vazhdojnë të dominojnë makinat me lëndë djegëse.