Makron apo Le Pen? Sot zhvillohet raundi i dytë i zgjedhjeve presidenciale

Francezët do t’i drejtohen kutive të votimit këtë të dielë për të zgjedhur kreun e ri të shtetit.

Në raundin e dytë të zgjedhjeve presidenciale, garon presidenti aktual Emanuel Makron i cili kërkon një mandat të dytë dhe kandidatja nga ekstremi i djathtë Marine Le Pen.

44-vjeçari Makron kryesoi raundin e parë të zgjedhjeve më 10 prill me 27.8% të votave. Ai synon të bëhet presidenti i parë që merr një mandat të dytë që nga viti 2002, shkruan France24.

Ndërsa, Le Pen mori 23.1% të votave në raundin e parë. Kjo është hera e tretë që ajo garon për presidente. 53-vjeçarja shpreson se do të bëhet gruaja e parë që do të marrë këtë detyrë.

48.7 milionë francezë kanë të drejtë vote, por sipas sondazheve, në votime mund të marrin pjesë shumë më pak qytetarë se në raundin e parë.

Në vitin 2017, Makron e mundi Le Pen teksa edhe në këto zgjedhje, sondazhet tregojnë se presidenti ka një epërsi ndaj rivales së tij.

LEXONI GJITHASHTU

• Detajet e debatit Le Pen – Makron për zgjedhjet në Francë