Mali i Tomorit në flakë prej 5 ditësh, kryebashkiaku i Poliçanit: Të ndërhyjë menjëherë ushtria

Zjarri i rënë para pesë ditësh në malin e Tomorit po rrezikon rreth 1500 banorë.

Kështu ka bërë të ditur kryetari i Bashkisë Poliçan, Adriatik Zotkaj teksa u pyet nga Euronews Albania.

Sipas tij, mbi 30 hektarë tokë janë shkrumbuar duke sjellë kështu një dëm të madh mjedisor, pasi zona ku ka rënë zjarri është e pasur me pemë të larta dhe kafshë.

Zjarrfikëset po punojnë në lartësinë 700 metra, por zjarri shtrihet deri në 2400 metër lartësi.

Për shuarjen e flakëve po punojnë në total 2 zjarrfikëse si edhe një helikopter, por sipas kryetarit të bashkisë këto kapacitete janë të pamjaftueshme, pasi era po favorizon përhapjen e zjarrit. Sipas tij, nevojitet menjëherë edhe ndërhyrja e ushtrisë.

LEXONI GJITHASHTU:

• Kërcënimi nga temperaturat e larta, IGJEUM: Rrezik i lartë për zjarre në disa qarqe të vendit
• Shuhen zjarret në Greqi, mijëra hektarë pyje të djegur, qindra shtëpi të shkrumbuara