Mali i Zi, Gjuroviç kthen propozimin e 41 deputetëve për shkarkimin e Gjukanoviç

Kryetarja e Kuvendit të Malit të Zi, Danijela Gjuroviç, ka kthyer propozimin e 41 deputetëve që të fillojë procedura për të përcaktuar nëse presidenti malazez Milo Gjukanoviç, ka shkelur Kushtetutën dhe ta shkarkojë atë.

Sipas mediave të huaja, ajo ka deklaruar se në lidhje me këtë çështje janë dy procedura që duhet të ndahen.

“Propozimi i dorëzuar në titull, e më vonë në shpjegim, përmban fillimin e një procedure e cila në kuptimin e saj procedural dhe esencial juridik ka dy faza që nënkuptojnë por edhe kërkojnë propozime të veçanta”, ka thënë Gjuroviç në njoftimin e saj, shkruan Euronews.

Siç tha ajo, Kushtetuta e Malit të Zi dhe Rregullorja e Kuvendit e specifikojnë qartë procedurën.

Sipas Gjuroviçit, nga rregullorja del pa mëdyshje se në rastin konkret është e nevojshme të korrigjohet akti i paraqitur dhe të emërtohet si propozim për fillimin e procedurës nëse Presidenti i Malit të Zi ka shkelur Kushtetutën.

LEXONI GJITHASHTU:

• Shumica parlamentare në Mal të Zi mbledh firmat për shkarkimin e Milo Gjukanoviç
• Krimi i organizuar është i lidhur me familjen e Milo Gjukanoviçit, thotë analisti
• A do ta shtyjë Milo Gjukanoviç formimin e qeverisë së re?