Mark Rutte u zgjodh shefi i NATO-s, Stoltenberg: Po e lë Aleancën në duar të sigurta

Sekretari i Përgjithshëm në ikje i NATO-s, Jens Stoltenberg, ka uruar pasardhësin e tij në këtë detyrë, Mark Rutte, për zgjedhjen në atë pozicion.

Përmes një postimi në rrjetin social ‘X’, Stoltenberg ka shkruar se po e lë NATO-n në duar të sigurta.

Ai tha gjithashtu se Rutte është një udhëheqës i fortë dhe ndërtues i konsensusit.

“Unë mirëpres ngrohtësisht zgjedhjen e Aleatëve të #NATO-s @ të Mark Rutte si pasardhësi im. Marku është një transatlanticist i vërtetë, një udhëheqës i fortë dhe një ndërtues i konsensusit. I uroj atij çdo sukses ndërsa ne vazhdojmë të forcojmë NATO-n. E di që po e lë NATO-n në duar të sigurta”, ka shkruar Stoltenberg.

LEXONI GJITHASHTU:

• Mark Rutte emërohet shef i ri i NATO-s
• Mediat e huaja: Mark Rutte do të jetë sekretar i përgjithshëm i NATO-s