Marrëdhëniet Kosovë-Greqi po përparojnë në drejtim të njohjes, thotë analisti Hasanpapaj

Analisti Bardhyl Hasanpapaj tha se takimi i fundit mes kryeministrit të Kosovës dhe atij të Greqisë është shenjë se po përparojnë në drejtim të njohjes.

Sipas tij, kjo po ndodh prej interesave gjeostrategjike që ka Greqia përkundrejt Kosovës.

Shteti fqinj ka interes personal të jetë më i pranishëm në vendet e Ballkanit Perëndimor dhe ndërkohë që merret me interesat e brendshme të vendit, shfrytëzon pozitën si anëtare në BE. Për më tepër analisti theksoi se një Greqi më e përfshirë në Ballkanin Perëndimor balancon dhe raportin e saj me Turqinë.

Hasanpapj tha se zyra për çështjet ekonomike e Kosovës në Greqi ka këmbëngulur vazhdimisht që marrëdhëniet ekonomike mes dy vendeve të forcohen, të dhëna këto që provojnë se njohja e pavarësisë, po trajtohet me delikatesë.

Pavarësisht forcimit të marrëdhënieve, sipas tij Greqia do të vijojë me po të njëjtën linjë, nuk do ta njohë Kosovën nëse kjo e fundit nuk ka një marrëveshje me Serbinë.

LEXONI GJITHASHTU: 

• Kryeministri i Kosovës takohet me homologun grek
• Presidentja Osmani tregon temat që ka diskutuar me ministrin Nikos Dendias