Marrëveshja me Moskën, qindra ukrainas rikthehen në tokën e tyre

Qindra ushtarë ukrainas dhe rusë janë kthyer në tokën e tyre pas një marrëveshjeje mes Moskës e Kievit për të shkëmbyer të burgosurit.

Ukraina bën me dije se ka rikthyer në vend 215 ushtarë, ndërsa i ka dorëzuar Rusisë 55 të tillë, përfshirë politikanin pro-Moskës, Viktor Medvedchuk.

Midis ushtarëve  që u kthyen në Ukrainë ishin edhe ata që luftuan për javë të tëra në fabrikën e çelikut Azovstal të Mariopolit, përpara se të dorëzoheshin tek rusët. Të liruarit nga burgu do të qëndrojnë në Turqi “në siguri totale dhe kushte të rehatshme” deri në fund të luftës.

Gjithashtu u çlirua një grup luftëtarësh të huaj që kishin luftuar në anën e Ukrainës. Ndalesa e tyre e parë ishte në Arabinë Saudite, e cila  negocioi lirimin e tyre.

Kievi e cilësoi shkëmbimin më të madh të realizuar që nga koha kur Rusia nisi pushtimin në 24 shkurt.

Presidenti Zelensky falenderoi Turqinë dhe Arabinë Saudite që ndihmuan në këtë proces.

LEXONI GJITHASHTU:

• Orban: Nëse sanksionet kundër Rusisë hiqen, çmimi i gazit do të binte me 50 për qind
• Orban vë në lojë BE-në, Kryeministri hungarez: Të rishikojmë anëtarësinë pas 2030-s