Marrëveshja për Butrintin, Meta: Kuvendi s’duhet të votojë symbyllur

Presidenti Ilir Meta deklaroi se Kuvendi nuk duhet të votojë symbyllur sa i përket marrëveshjes për Parkun e Butrinit.

Për Euronews Albania, Meta u shpreh se nuk asnjë arsye që të paragjykojë vendimmarrjen e Kuvendit.

“Qëndrimet e mia si president i republikës kanë qenë shumë të qarta në mbrojte të trashëgimisë tonë kulturore dhe kombëtare si çështja e teatrit dhe çështja për të cilin po diskutojmë. Unë besoj se relacioni është shumë solid, shumë i mirë-argumentuar. Dëshiroj që për një çështje kaq të rëndësishme, Kuvendi të mos votojë sy mbyllur po t’i hapë sytë mirë dhe nuk kam asnjë arsye të paragjykoj vendimmarrjen e tij”, u shpreh kreu i shtetit.

Pak javë më parë, Meta riktheu për rishqyrtim në Kuvend, marrëveshjen për administrimin e Parkut të Butrintit.

Më herët, Kuvendi miratoi me 75 vota pro, ligjin për administrimin e Parkut të Butrintit nga Fondacioni shqiptaro-amerikan për Zhvillim për 10 vitet e ardhshme.

Edhe grupime të shoqërisë civile e kanë kundërshtuar kalimin e Parkut të Butrintit në menaxhim të Fondacionit shqiptaro-amerikan për Zhvillim.

LEXONI GJITHASHTU:

• Parku i Butrintit nuk mund të administrohet nga OJF-të, thotë Meta