Marsi muaji me vdekshmërinë më të lartë, numri i fataliteteve u dyfishua në krahasim me një vit më parë

Marsi konsiderohet muajin me vdekshmërinë më të lartë në vendin tonë. Krahasuar me të njëjtën periudhë të një viti më parë numri i vdekjeve u dyfishua.

Sipas të dhënave paraprake nga gjendja civile, që referojnë aktet në mars 2021 kishte rreth 3900 fatalitete në vend. Në shkurt 2021 u regjistruan rreth 3500 akte vdekje dhe në janar rreth 2.800.

Vetëm në tremujorin e parë të këtij viti janë regjistruar gjithsej 10.200 vdekje, me një rritje prej 70% në krahasim me të njëjtën periudhë të një viti më parë. Ky është tremujori më fatal, të paktën që nga viti 1990 kur raportohen të dhënat.

Muaji më tragjik, për numrin total të vdekjeve, deri tani ka qenë dhjetori, me 4,167 fatalitete, me dyfishim (98%) në krahasim me të njëjtën periudhë të një viti më parë

Në 12 muaj, nga prilli 2020 në mars 2021, gjithsej në vend janë regjistruar rreth 32.200 jetë të humbura, nga 21.7 mijë në të njëjtën periudhë të vitit paraardhës. Në total janë mbi 10 mijë vdekje shtesë në vend, që nga periudha e fillimit të pandemisë.