Marta Kos: Vendet që i bashkohen BE-së duhet të kenë demokraci të forta

Komisionarja evropiane për Zgjerim, Marta Kos gjatë fjalës së saj para Parlamentit Evropian ka deklaruar se vendet të cilat mund të dëmtojnë Bashkimin Evropian nuk mund të bëhen anëtare. Ajo shtoi se vendet anëtare duhet të jenë me demokraci të fortë.

“Nuk ka kuaj trojanë. Vendet që do të na dëmtonin nga brenda, nuk mund të bëhen anëtare të Bashkimit Evropian. Duhet të jemi absolutisht të sigurt për këtë. Vendet që i bashkohen BE-së, duhet të kenë demokraci të forta, të afta t’i rezistojnë ndikimit toksik të Rusisë dhe të të tjerëve”, tha ajo ndër të tjera.

Kos ka shpërndarë në rrjetet sociale fjalën e saj. Në një postim në “X”, ajo theksoi se duhet të vendosin masat e duhura mbrojtëse.