Masakër në Teksas, agresori i armatosur vret fqinjët e tij në Klivlend

Një person ka vrarë fqinjët e tij në Teksas të Shteteve të Bashkuara, pas një debati të zhvilluar me ta për praktikimin e armëve të zjarrit.

Sipas të dhënave të policisë vendase, agresori qëlloi me një armë gjysmë automatike duke u marrë jetën 5 personave, mes të cilëve një fëmijë 8-vjeçar.

Episodi u verifikua në qytetin e vogël Klivlend, në veri të Hjustonit. Viktimat janë të gjithë emigrantë nga Hondurasi.

Mes tyre janë edhe dy gra, të cilat u gjetën të shtrira mbi trupat e dy fëmijëve, që i kanë mbijetuar tragjedisë.

I dyshuari, një emigrant nga Meksika i identifikuar si Francisco Oropez, 38 vjeç është ende në arrati dhe dyshohet se është i armatosur.

Policia po përdor dronë dhe qen në kërkimet për të dyshuarin, që besohet se po fshihet në një pyll që ndodhet pranë qytetit.

Hetuesit besojnë se viktimat i kishin kërkuar 38-vjecarit të mos praktikonte më përdorimin e armëve të zjarrit pasi po përpiqeshin të vinin fëmijët në gjumë.

LEXONI GJITHASHTU:

• Të shtëna me armë në Teksas, 5 viktima
• Të shtëna ndaj bashkëmoshatarit, fshihen në pyll 19-vjeçarët/Policia në ndjekje