Mashtroi me llogarinë e pagës ‘së luftës’, arrestohet 32-vjeçari, tërhoqi nga banka 155 milionë lekë

Policia e Tiranës ka arrestuar një 32-vjeçar, pasi akuzohet për ‘mashtrim kompjuterik’.

Uniformat blu bëjnë me dije se i riu nëpërmjet një llogarie bankare për përfitimin e pagës së luftës ka kryer 36 transaksione financiare në një vlerë 15.533.510 lekë të rinj.

Pas transferimit të shumave të ndryshme 32-vjeçari kryente tërheqje nga bankat ku ishin transferuar këto fonde, nëpërmjet kartave bankare ose duke u paraqitur vetë në bankë.

Mbi të riun rëndon veprat penale “mashtrim kompjuterik”, ndërkohë ai është një person me precedent penal.

32-vjeçari shfrytëzoi një ‘hendek’ të shërbimit bankar dixhital, pasi kishte hapur një llogari bankare në një bankë të nivelit të dytë në territorin e Republikës së Shqipërisë.

“Pas transferimit të shumave të ndryshme ky shtetas kryente tërheqje nga bankat ku ishin transferuar këto fonde, nëpërmjet kartave bankare ose duke u paraqitur vetë në bankë.Gjithashtu, ky shtetas ka tentuar t’i tërheqë këto fonde dhe nga jashtë territorit të Republikës së Shqipërisë. Aktualisht po punohet për zbardhjen e plotë të këtij aktiviteti criminal”, thuhet në njoftimin e policisë.