Mbahet gjykimi në mungesë për organizatorin e vrasjes së Behar Sofisë

Nis gjykimi në mungesë për Jemin Sheran i akuzuar si organizator i vrasjes së Behar Sofias, ngjarje e ndodhur në 25 shkurt të vitit 2021, në afërsi të piramidës në Tiranë. Gjykata relatori se Shera nuk është gjetur pavarësisht  kërkimeve që janë bërë nga policia. Në banesën e Jemin Sherës në Zallherr nuk ka pasur asnjë person.

Vëllai i të pandehurit ka theksuar para hetuesive nuk kishte dijeni për vendodhjen e tij. Prokuroria kërkoi që të niste procesi në mungesë, gjë e cila u pranua nga gjykata. Emri i Jemin Sherës është regjistruar për herë te parë nga SPAK në datën 29 mars 2022, si një nga të dyshuarit e vrasjes së Behar Sofias. SPAK relatoi në gjykatë se Shera e ka marrë porosinë nga persona ende te paidentifikuar dhe me pas ka krijuar Grupin Kriminal.

Ata e kanë e kanë vëzhguar Behar Sofian për 6 muaj deri në momentin e ekzekutimit. Prokuroria tha se ka 168 prova shkresore, kërkon 16 dëshmitarë dhe po ashtu 5 bashkpandehurve, Bujar Leza, Xhuliano Visha, Skender Vathi, Leonard Xhixha dhe bashkpunotori i drejtësi Ernejt Shyti. SPAK dorëzoi në gjykatë 3 akte ekspertime telefonike të reja, që nuk ishin sjellë më herët në në gjykatë.

Trupa gjykuese pranoi provat e SPAK ndërsa avokati i Jemin Sherës tha që do të bëjnë prapësime mbi provat e prokurorisë. Seanca e radhës u la në 26 Janar ora 12 ku do të dëgjohen nga gjykata 5 dëshmitarët e parë.

LEXONI GJITHASHTU: 

• Jeff Bezos fiton në 13 minuta më shumë se një person mesatar gjatë gjithë jetës
• Vrasja e bujshme e “Okit”, përplasja mes bandave dhe ekzekutimi i bosit të bixhozit