Mbërrin i pajetë në spital 2-vjeçari në Devoll, konsumoi raki

Një 2-vjeçar nga fshati Sul i Devollit ka mbërritur i pajetë në spital mëngjesin e sotëm.

Mjekët sqarojnë për Euronews Albania se fëmija ka humbur jetën pasi ka konsumuar aksidentalisht një sasi pije alkoolike (raki), nga një shishe që familjarët e kishin lënë në banesë.

Fëmija i gjinisë mashkullore, në kohën kur nëna kryente punët e shtëpisë, ka marrë një bidon gjysmë litër që e ka menduar se ka qenë me ujë, por ka qenë me raki.

Sipas mjekëve alkooli i ka bllokuar rrugët e frymëmarrjes të miturit, duke i sjellë vdekjen.

Nëna e ka gjetur të shtrirë në dysheme dhe e kanë çuar menjëherë në spital, por fatkeqësisht fëmija ka ndërruar jetë në banesë.