English

Mbi 1 mijë civilë të vrarë, zonat më të ‘nxehta’ të luftimeve në Ukrainë

KOMENTE

SHPERNDAJE
ARTIKULLIN

Text sizeAa Aa

Vijojnë luftimet në Ukrainë. Gjatë orëve të fundit janë raportuar sulme në Mariupol, në Kharkiv dhe në qytetin Izyum. Që prej fillimit të luftës OKB njofton për 1000 civilë ukrainas të vrarë dhe 3.6 mln persona që janë larguar nga vendi.

- Advertisement -
  • Në samitin e NATO-s Presidenti i SHBA Joe Biden ka njoftuar për sanksione të reja ndaj politikanëve rusë dhe për një plan për të pranuar deri në 100.000 refugjatë në Shtetet e Bashkuara. Biden mbështeti largimin e Rusisë nga G20, një grup prej 20 ekonomive kryesore të botës që është planifikuar të takohet në nëntor. Në lidhje me mundësinë e përdorimit të armëve kimike nga Rusia, Biden tha vetëm do të përgjigjen.
  • Duke iu drejtuar G7 të enjten, presidenti ukrainas Volodymyr Zelensky u kërkoi vendeve anëtare të ndërmarrin veprime më të mëdha, duke përfshirë një “embargo të plotë” mbi tregtinë me Rusinë dhe krijimin e garancive të sigurisë për Ukrainën. Ai falënderoi vendet për vendosjen e sanksioneve, por e quajti veprimin “pak të vonuar”. Ai nuk kërkoi një zonë ndalim-fluturimi dhe u bëri thirrje liderëve të NATO-s që të siguronin avionë luftarakë.
  • Luftimet: Luftimet intensive po vazhdojnë në disa drejtime rreth Kievit, megjithëse forcat ukrainase duket se kanë rimarrë territorin në lindje të kryeqytetit, duke i shtyrë forcat ruse. Sulmi në Mariupol po vazhdon, me udhëheqësit lokalë që thonë se kanë nevojë për armatim duke përfshirë artileri dhe raketa. Gjashtë persona u vranë kur një raketë goditi një parking në një qendër tregtare në Kharkiv, ndërsa civilët ishin rreshtuar brenda për të marrë ndihmë humanitare. Qyteti i Izyum është shkatërruar plotësisht nga avionët dhe artileria ruse, tha një deputet i këshillit. Marina e Ukrainës tha gjithashtu se një anije ruse u shkatërrua në portin e okupuar të Berdyansk në Detin Azov.
  • Viktima: Numri i viktimave të civilëve në Ukrainë ka tejkaluar 1000, tha OKB-ja të enjten, duke paralajmëruar se shifrat në terren mund të jenë edhe më të larta. Shumica e viktimave u shkaktuan nga eksplozivët, përfshirë raketat dhe sulmet ajrore. Mes viktimave janë 90 fëmijë.
  • Refugjatët: Më shumë se 3.6 milionë njerëz janë larguar nga Ukraina që nga fillimi i pushtimit, sipas vlerësimeve të OKB-së. Shumica kanë hyrë në Poloni.
  • Japonia: Japonia do të ngrijë asetet e 25 shtetasve të tjerë rusë dhe do të ndalojë eksportet në 81 organizata ruse, tha Ministria japoneze e Financave në një njoftim për shtyp të premten.

 

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

TË FUNDIT

Sondazh

Altin Dumani paraqiti raportin e Prokurorisë së Posaçme, si e vlerësoni punën e SPAK për vitin 2023?
×