Mbi 22 mijë të vdekur nga tërmeti, Erdogan pranon vonesat në shpërndarjen e ndihmave

Është ngjitur në 22 mijë e 375 bilanci i viktimave të shkaktuara nga tërmetet që goditën Turqinë dhe Sirinë ditën e hënë.

Sipas raportimeve të mediave ndërkombëtare, 18 mijë e 991 prej viktimave kanë vdekur në Turqi dhe 3 mijë e 384 në Siri.

Ndërkohë, numri i personave të plagosur në të dyja vendet është ngjitur në rreth 75 mijë.

Teksa ka vizituar disa nga zonat e prekura, presidenti turk Recep Tayyip Erdogan ka pranuar se shpërndarja e ndihmave nuk po ecën me shpejtësinë që shpresohej.

Megjithatë, kreu i shtetit ka theksuar se nuk do të lejojë abuzime. “Sinqeriteti ynë mbi këtë temë nuk mund të vihet në dyshim nga askush”, ka thënë Erdogan.

LEXONI GJITHASHTU:

• Gazetari nga Turqia: 90% e godinave në qytetet turke janë shkatërruar nga tërmeti
• Qytetari pas tërmetit në Turqi: Kemi frikë, po u shemb ndërtesa s’ke ku të shkosh