Mbi 5 mijë qytetarë të Kosovës dynden në Shqipëri, radhë të gjata në kufi

Ashpërsimi i masave kufizuese anti Covid në Kosovë ka bërë që shumë qytetarë të Kosovës të dynden drejt Shqipërisë për të kaluar fundjavën. Kjo ka sjellë radhë të gjata mëngjesin e së premtes në pikën kufitare të Morinës.

Që nga mbrëmë, në ora 00:00 deri sot në ora 11:00, 5 mijë e 498 qytetarë nga Kosova kanë kaluar hyrë në Shqipëri përmes pikës kufitare Vërmicë dhe Morinë. Kështu ka bërë të ditur për KosovaPress, zëdhënësi i Policisë së Kosovës, Bajram Krasniqi.

Ndërsa që nga e mërkura edhe kur hyrën në fuqi masat e reja antiCOVID-19, 1 mijë e 475 persona nga Kosova kanë hyrë në Shqipëri.

Në Kosovë nga e mërkura kanë hyrë në fuqi masat e reja anti-Covid dhe ndër shkaqet kryesore për krijimin e radhëve të gjata në kufi duket se është bërë fakti i mbylljes totale të gastronomisë si dhe ora policore.

Kjo edhe për faktin se Shqipëria është i vetmi shtet ku shtetasit kosovarë nuk kanë nevojë për test PCR negativ  për të kaluar kufirin. Ndërkohë edhe qytetarët e Shqipërisë nuk kanë nevojë për test PCR për t’u futur në territorin e Kosovës.

Lexoni gjithashtu:

Ambasadori Qemal Minxhozi sqaron se çdo qytetar mund të futet në Kosovë pa një test PCR