Mbi 60 mijë viktima nga COVID-19 në Kinë brenda një muaji

Autoritetet shëndetësore në Kinë kanë raportuar të shtunën rreth 60.000 vdekje të lidhura me koronavirusin brenda një muaji.

Kjo është rritja më e madhe e regjistruar në Kinë, që kur autoritetet hoqën dorë nga politika zero-COVID, shkruan Reuters.

Kjo shifër u referohet vetëm vdekjeve të regjistruara në qendrat mjekësore, ndaj besohet se situata reale është më e rëndë.

Kina është akuzuar vazhdimisht për mosraportim të numrit të vdekjeve me koronavirus.

Aktualisht, miliona persona mbi moshën 60-vjeçare janë të pavaksinuar në Kinë.

LEXONI GJITHASHTU

• 900 milionë të infektuar në Kinë, studimi: 64% e popullsisë e prekur nga COVID
• Japoni, hera e parë më shumë se 500 të vdekur nga COVID-19 në një ditë
• OBSH: Kina ende fsheh numrin e vdekjeve nga COVID