Pas mbledhjes së 29 dhjetorit, 7 anëtarët e Gjykatës Kushtetuese po zhvillojnë ditën e sotme mbledhjen e dytë.
Mbledhja është fokusuar tek çështjet që sipas ligjit i përkasin për kompetencë mbledhjes së gjyqtarëve, si dhe për të kryer veprimet e nevojshme përgatitore dhe organizative për funksionimin e Gjykatës Kushtetuese.
Po ashtu, pritet të përcaktohet metodologjia për përzgjedhjen e çështjeve me rëndësi që do të shqyrtohen të parat.
Në Gjykatën Kushtetuese janë rreth 140 dosje që presin për shqyrtim, mes tyre edhe zgjedhjet vendore të 30 qershorit apo shembja e teatrit.
Mes çështjeve për diskutim është edhe ndryshimet në Kodin Zgjedhor dhe procedua për përzgjedhjen e kryetarit të Gjykatës Kushtetuese.
Lexoni gjithashtu:
Funksioni i Kushtetueses, Anastasi: Shtatë anëtarë, mjaftueshëm për të shqyrtuar çështjet e ‘nxehta’
