Mbyllen listat e 14 shkurtit, shoqëria civile ngre shqetësimin e kandidatëve të inkriminuar

Komisioni Qendror i Zgjedhjeve në Kosovë ka mbyllur procesin e regjistrimit të listave te kandidateve për zgjedhjet e 14 shkurtit.  Janë regjistruar 1079 kandidatë, të cilët do të garojnë për 120 mandate deputetësh. Tashmë pritet të fillojë edhe verifikimi për këta kandidatë, që janë paraqitur nga 28 subjekte politike.

Në total janë 21 parti, 2 koalicione dhe 5 iniciativa qytetare. Procesi i verifikimit pritet të mbyllet deri më 20 janar. Ndërkohë nga Shoqëria Civile është ngritur shqetësimi, se pothuajse të gjitha partitë kanë prezantuar në listat e tyre persona të inkriminuar apo me probleme me ligjin.

Në një komunikim për Euronews Albania, analisti Muhamet Hajrullahu deklaroi se në listat e partive politike ka risi.

“Nëse i marrim dhe i shikojmë listat e partive politike te disa ka risi të ndryshme dhe janë të mirëseardhura, por nga ana tjetër partitë e kanë ruajtur atë frymë dhe numër me njerëz që kanë nëpër parti,” – tha Hajrullahu, i cili ishte i mendimit që listat të kishin më shumë emra të besueshëm dhe profesionistë.

Në listat e partive politike nuk mungojnë emrat e rinj. Kështu për Vetëvendosjen garojnë emra si: Vasfije Krasniqi ,gruaja e parë e cila foli publikisht për përdhunimet e ushtarëve serbë, apo emra të tjerë si  Donika Gërvalla, Shqipe Selimi dhe Avni Dehari.

Lexoni gjithashtu:

Muhamet Hajrullahu: Certifikimi ose jo i kandidaturës së Kurtit sfidë për institucionet

KQZ-ja pranon listat, tre kandidatë fovoritë për kryeministër dhe 1079 për deputetë në Kosovë

Kurti në krye dhe Osmani e dyta, VV publikon listën e kandidatëve për 14 shkurtin

Vendimi i Kushtetueses në Kosovë, Albin Kurti s’mund të kandidojë për deputet