Me minat gati për shpërthim, arrestohet një person në Durrës

Një operacion i finalizuar nga Policia e Durrësit ka çuar në arrestimin e një personi, i cili dyshohet se merrej me shitje minash me telekomandë.

Identifikimi i të arrestuarit është bërë në saj të informacioneve që policia ka siguruar në rrugë operative.

I arrestuari Paulin Deda, 34 vjeç, banues në Milot, i dënuar më parë për veprën penale “Prodhim dhe shitja e narkotikëve” po tentonte të shiste minat përmes një shume prej 6 mijë euro.

Arrestimi i tij u bë në lagjen nr.13, Plazh, në vendin e quajtur “Terminali i autobusëve”, dhe gjatë kontrollit fizik i gjetën dhe sekuestruan në cilësinë e provës materiale 2 minat.

Po punohet për destinacionin final që kishin minat, që në shumë raste janë Shqipëri janë përdorur për ngjarje të rënda kriminale.

Në bashkëpunim me Prokurorinë e Rrethit Gjyqësor Durrës, vijon puna për identifikimin e personave të tjerë të përfshirë në këtë veprimtari kriminale.

Sipas informacioneve nga Policia e Durrësit të dy minat ishin të montuara dhe gati për t’u shpërthyer përmes telekomandimit nga distanca.

LEXONI GJITHASHTU: 

• Pas Elbasanit, Vlora dhe Durrësi me nga 2 ekzekutime pa autorë
• 3 të arrestuar dhe 2 në kërkim për vjedhje me armë zjarri në Durrës
• Shpërndante drogë në Durrës, arrestohet 30-vjeçari i armatosur