Përdoruesit e Instagramit të cilët janë nën moshën 18 vjeç, do mund të logohen në një  “llogari adoleshente” automatike me veçori më të rrepta të privatësisë, njoftoi të martën platforma e mediave sociale, pasi kompanitë e mediave sociale janë gjithnjë e më shumë në qendër të vëmendjes për sigurinë për të miturit.

Kompania në pronësi të Meta tha se mbrojtja e sigurisë e bën të detyrueshëm miratimin prindëror për disa veçori. Gjithashtu do t’i bëjë profilet e adoleshentëve automatikisht private, me më pak akses në përmbajtjet që konsiderohen të ndjeshme dhe veçori për të kufizuar kohën para ekranit.

Për herë të parë, çdo 15 vjeçar ose më i ri do të ketë nevojë për lejen e prindit ose kujdestarit për të hequr dorë nga cilësimet më kufizuese. Por 16-17-vjeçarët nuk do të kenë nevojë për miratimin e prindërve për ta bërë këtë.

“Kjo përvojë e re është krijuar për të mbështetur më mirë prindërit dhe për t’u dhënë atyre paqe mendore se adoleshentët e tyre janë të sigurt me mbrojtjen e duhur në vend,” tha Instagram në një postim në blog.

LEXONI GJITHASHTU:

• Skandali i diplomave| U përfol se u korruptua me 1 çantë, reagon zyrtarja e arsimit
• Komandanti amerikan zbarkon në Tiranë, pritet të takohet me Begajn e Ramën