Megaoperacion antidrogë Shqipëri-Spanjë-Gjermani, arrestohen 107 persona
107 persona, mes të cilëve 60 shqiptar, u arrestuan gjatë një megaoperacioni antidrogë mes Shqipërisë, Spanjës dhe Gjermanisë.
Drejtori i Përgjithshëm i Policisë Ardi Veliu mori pjesë në një konferencë për shtyp në Madrid, Spanjë ku u prezantuan rezultatet e operacionit të koduar “DOBRA”.
Gjatë këtij megaoperacioni u kryen kontrolle në 51 ambiente, nga të cilat 23 plantacione/shtëpi bari, u asgjësuan rreth 25.000 bimë narkotike kanabis, u sekuestruan 938 kg boçe kanabisi, një detonator, dy armë zjarri, tri mjete luksoze, një bllokues valësh, 68.760 euro etj.
Një ngarkesë e sekuestruar në fund të 2020 në kryeqytetin e Gjermanisë ku u arrestuan 3 shqiptarë hodhi hapat e para të hetimeve për goditjen e këtij rrjeti kriminal. Hetimet u zhvendosën në Spanjë ku lokalizua vendqëndrimi i drejtuesve të këtij grupi. Falë bashkëpunimit ndërkombëtar me Gjermaninë, Shqipërinë dhe EUROPOL u zbulua se rrjeti trafikantëve drejtohet nga një familje shqiptare, që banonte në Gjermani dhe Spanjë.
Gjatë fjalës së tij, Veliu tha se nuk do ta ndalojnë operacionin në këtë moment por do të vijojnë duke identifikuar të gjitha pasuritë që mund të kenë ardhur si rezultat i aktivitetit kriminal në Shqipëri. Sipas tij duke goditur pjesën ekonomike, do të bëhet i mundur dhe paralizimi i grupit të strukturuar.
Në fund, drejtori i përgjithshëm i policisë shprehu dëshirën për të vijuar punën në operacione të tjera me kolegët spanjollë.
Për ngjarjen reagoi dhe kreu i delegacionit të BE në Shqipëri, Luigi Soreca. Sipas tij bashkëpunimi ndërkombëtar është thelbësor në luftën kundër krimit të organizuar.
International cooperation is essential in fighting #organisedcrime. 107 people arrested, 25K #cannabis plants seized, €70K seized in Spain in a important operation run by 🇪🇸police, with @PoliciaeShtetit 🇦🇱 & 🇩🇪 and with @Europol🇪🇺support. https://t.co/G98uROPotK
— Luigi Soreca🇪🇺 (@LSorecaEU) September 1, 2021
LEXONI GJITHASHTU:
Kryefaqja
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta