Meloni takon Sunak, vlerëson politikën britanike ndaj emigracionit

Kryeministrja e Italisë ka vlerësuar politikën e Mbretërisë së Bashkuar ndaj emigracionit. E pritur nga homologu britanik në Doëning Street, Giorgia Meloni zgjodhi të përforcojë lidhjet mes Londrës dhe Romës.

Edhe Rishi Sunak shprehu dëshirën për të bashkëpunuar në frenimin e emigracionit të paligjshëm dhe përgëzoi zonjën Meloni për qëndrimin e saj ndaj krizës në Ukrainë.

“Kontrasti ndaj trafikantëve dhe emigracionit ilegal është diçka që qeveria juaj po e bën shumë mirë dhe unë po ndjek shembullin tuaj”, tha Meloni.

Qeveria italiane shpalli një gjendje të jashtëzakonshme në shkallë kombëtare lidhur me fluksin e emigrantëve që vijnë përmes detit. Ishujt e Italisë, me 400 qendra pritjeje për emigrantët, po strehojnë 2.705 persona.

Vetëm të mërkurën, mbi 1 mijë emigrantë mbërritën në Itali. Që nga fillimi i vitit në vend kanë mbërritur rreth 40 mijë emigrantë, 4 herë më shumë se numri i vitit të kaluar.