Memushaj: Gjuha standarde shqipe në rrezik, janë goditur rëndë institucionet

Gjuhëtari i njohur Rami Memushaj, është shprehur gjuha standarde shqipe është e rrezikuar.

Në një intervistë për Euronews Albania, Memushaj thotë se gjuha standarde shqipe ka nevojë për kujdesin e përdoruesve  dhe shoqërisë.

“Gjuha shqipe ka shumë variante, që janë dialekte. Dialektet nuk janë të rrezikuara. Gjuha standarde po rrezikohet. Është një variant që ka nevojë gjithmonë për kujdesin e përdoruesve dhe shoqërisë. Është shoqëria ajo që e përdor dhe që duhet të kujdeset për të. Gjatë këtyre 30 e ca viteve, kujdesi i shoqërisë për gjuhën ka rënë”- u shpreh ai.

Ai shton se janë goditur rëndë institucionet e gjuhësisë dhe letërsisë. Ndërkohë, thekson se ndaj gjuhës shqipe ka rënë dhe kujdesi i shtetit.

“Janë goditur rëndë institucionet, sidomos Instituti i Gjuhësisë dhe Letërsisë, që tashmë është katandisur në një departament. Por nga ana tjetër ka rënë dhe kujdesi i shtetit. Kemi qindra botues, por nuk janë të detyruar që të kenë redaktor të liçensuar. Ka prej tyre që përpiqen të gjejnë elementë cilësor,  por ka të tjerë që e bëjnë këtë punë formalisht dhe i vënë emra formalisht e libri del për faqe të zezë. Mungon kujdesi i institucioneve, por në radhë të parë kujdesi i shtetit”- deklaroi ai.

LEXONI GJITHASHTU: 

• Rrokaj: Gjuha Shqipe nuk ka qenë në rrezik as kur nuk kishim shtet
• Gjuha shqipe nën kërcënim, Rama: Lëndë në të gjitha nivelet e arsimit