Mentor Kikia: Shoh një frikë nga ana e ‘Kushtetueses’ për të marrë një vendim për 30 qershorin

Gazetari Mentor Kikia u shpreh në Euronews Albania se pezullimi i gjykimit nga ana e Gjykatës Kushtetuese për “30 qershorin”, me qëllim për të marrë një opinion nga Komisioni i Venecias, tregon një ngurrim nga ana e kësaj gjykate për të marrë një vendim.

“Unë çështjen e zgjedhjeve vendore e shikoj një çështje shumë të pastër ligjërisht për të marrë një vendim pro ose kundër. Nuk shikoj shumë nevojë për të konsultuar një këshill ekspertësh të drejtësisë siç është Komisioni i Venecias, më shumë sesa pamundësi apo paaftësi të Gjykatës Kushtetuese, shikoj një ngurrim për të marrë një vendim”, u shpreh gazetari.

“Shikoj një lloj frike për të marrë një vendim kaq shumë të rëndësishëm”, tha ai, teksa shtoi se Gjykata Kushtetuese e kërkon opinionin e Komisionit të Venecias për të pasur një lloj mburoje, pasi të marrë vendimin.

Pas një seance maratonë, Gjykata Kushtetuese vendosi dje pezullimin e gjykimit për padinë e Voltana Ademit për zgjedhjet lokale të 30 qershorit.

Tashmë Gjykata Kushtetuese pritet t’i drejtohet Komisionit të Venecias për opinion dhe më pas do të japë një vendim për padinë e Ademit, e cila në cilësinë e kryetares së Shoqatës së Bashkive kërkoi që zgjedhjet vendore të 2019 të shpallen të pavlefshme.

LEXONI GJITHASHTU:

• Ligjshmëria e zgjedhjeve lokale, Kushtetuesja do t’i drejtohet Komisionit të Venecias
• Ligjshmëria e zgjedhjeve lokale, Kushtetuesja do t’i drejtohet Komisionit të Venecias