Merkel niset drejt Tiranës, rruga plotësisht e boshatisur për autokolonën e kancelares

Rreth orës 9.45 avioni i kancelares Angela Merkel mbërriti në Rinas, ku nën masa të rrepta sigurie ajo u prit nga ministrja e Jashtme, Xhaçka dhe ambasadori gjerman.

Rreth orës 10:04 autokolona që shoqëron kancelaren u nis drejt Pallatit të Brigadave përmes një rruge plotësisht të boshatisur.

Devijimi i trafikut është njoftuar nga policia për të siguruar mbarëvajtjen e vizitës së dytë të kancelares gjermane në vendin tonë.

Policia njoftoi një ditë më parë se do ketë bllokime dhe devijime të lëvizjes së automjeteve, konkretisht në segmentet; Rinas-Unaza e Re, Sauk, Rruga e Elbasanit deri tek Pallati i Brigadave nga ora 09:00-13:00 të datës 14 shtator.

Vizita e kancelares Merkel në Tiraë pritet të përfundojë rreth orës 17:40 të ditës së sotme.