Mes portreteve të turistëve, piktori braktis RMV për jetuar e punuar në Sarandë

Piktori Rifat Çeliku vendosi të lërë Maqedoninë e Veriut për të punuar gjatë verës në Sarandë.

Kjo sipas tij është një mënyrë për të ushtruar pasionin dhe profesionin e tij mes qytetarëve dhe pushuesve.

“Arti më pranë njerëzve,” – thotë Çeliku, “të mban gjallë”.

Çdo mbrëmje ai përgatit me kujdes dhe më pas u dorëzon portrete turistëve që ndalojnë me kërshëri para telajos. Një vajzë nga Serbia mori për dhuratë një pikturë të tillë.

 “Këtu po më pëlqen shumë. Jemi disa ditë në Sarandë. Disa miqtë e mi vendosën të ma bëjnë dhuratë këtë portret,” – u shpreh ajo.

“Më parë kam punuar me turistë të jashtëm perëndimor, por tani kur e merr një shqiptar një portret ndjej kënaqësi se kjo është një pjesë e bukur e artit,” – tha Rifat Çeliku.

Shëtitorja e Sarandës është një mundësi punësimi për piktorin maqedonas dhe nuk janë të pakta vlerësimet që ai ka marrë.

LEXONI GJITHASHTU: 

• Një panair për suveniret, trevat e Shqipërisë ekspozojnë punimet në Sarandë
• Panairi i librit në Sarandë me pjesëmarrje të ulët, shkak pandemia dhe mungesa e financave
• 40 bukuroshe nga e gjitha bota sfilojnë në shëtitoren e Sarandës