Mes rrezikut dhe pasionit, fotografi Clark zbulon bukuritë e oqeanit

Fotografi nga Hawaii, Clark Little, njihet për imazhet e tij mahnitëse të cilat i shkrep mes dallgëve  më të fuqishme dhe më të rrezikshme në Tokë.

Së fundmi ai ka publikuar një libër të titulluar ‘Arti i Dallgëve’ ku  zbulon imazhe unike, të frikshme e të bukura në të njëjtën kohë.

Fotografi sjell dëshmi të 15 viteve punë në përpjekje për të fiksuar bukuritë e oqeanit.

 “Goditja e dallgës në breg është e bukur dhe e frikshme në të njëjtën kohë” tregon Clark duke shtuar se ai ka mësuar sesi të bëjë sërf dhe sesa shumë i pëlqen  të jetë aty të fotografojë ngjyrat e bukura të ujit.

Libri i tij përmban 150 fotografi unike mes dallgëve. Ai mbështetet edhe nga profesionistët.

“Clark është aq i lidhur me atë që sheh , saqë i duket kaq e natyrshme,” shprehet Kelly Slater serfist profesionist.

Një tjetër serfist  Laird Hamilton shprehet se fotografia e Little i jep atij mundësinë për të ekzaminuar bukurinë dhe kompleksitetin e oqeanit në një mënyrë që është e pamundur  ta eksplorosh kur bën sërf.

LEXONI GJITHASHTU:

• Vendet më të vizituara në BE gjatë pandemisë