Mesha e Krishlindjes, At Laureano Del Otero: Do zhvillohet pasdite, duhet të pranojmë masat e qeverisë

At Laureano Del Otero, famulltar i Kishës së Kamzës u shpreh në Euronews Albania se mesha e Krishtlindjes pritet të zhvillohen pasditen e së enjtes, pasi qytetarët duhet të jenë në banesat e tyre brenda orës 20:30.

Ai theksoi se duhet të pranojmë masat e marra nga qeveria për pandeminë, për të mirën e njerëzve dhe shëndetin e tyre.

“Në një farë mënyre jemi në një situatë pak më të mirë, por është e vërtetë që mungon mundësia për të kremtuar, ashtu si vitet e tjera me shumë njerëz, me traditat, puthjen e foshnjës hyjnore. Duhet të pranojmë mirë këto masa për të mirën e njerëzve dhe shëndetin e tyre. Mesha e mesnatës do të jetë në mbrëmje, në orën 17:00, 18:00, që njerëzit të kthehen në shtëpi për orën e caktuar”, u shpreh ai.

“Në këtë kohë pandemie shume njerëz kanë marrë përsipër me shumë kujdes dhe angazhim kujdesin e shpirtit. Ne shikojmë më shumë njerëz në kishë. Edhe në meshën e mesnatës, shumë njerëz kanë shprehur dëshirën për të marrë pjesë”, u shpreh ai më tej.  

Lexoni gjithashtu:

https://euronews.al/aktualitet/2020/12/22/kisha-katolike-leter-komitetit-te-eksperteve-kufizimi-i-orarit-te-levizjes-naten-e-krishtlindjeve-i-nxituar-dhe-diskriminues