Messi mori një ftesë për të lënë gjurmën e tij në shëtitjen e famës në Brazil 

Ministria e Sportit e shtetit të Rio de Zhaneiros i ka dërguar sot një ftesë futbollistit argjentinas Lionel Messi që të vijë në stadiumin “Maracana” dhe të lërë gjurmët e tij në rrugën e futbollistëve të famshëm, raporton Reuters.

“Messi ka treguar tashmë të gjithë rëndësinë e tij brenda dhe jashtë fushës. Ai është një lojtar që luan në nivelin më të lartë të futbollit prej vitesh. Fitimi i Kupës së Botës është vetëm kulmi i një karriere të mrekullueshme dhe triumfuese. E vetmja gjë e duhur është që Maracana t’i bëjë homazhe ndaj tij.Më në fund, “Messi është ende një gjeni i futbollit”, tha Sekretari i Ministrisë së Sporteve të Shtetit të Rio de Zhaneiros, Adriao Santos.

Nëse e pranon ftesën, Messi do të jetë argjentinasi i parë që do të lërë gjurmë në stadiumin Maracana.