Meta bllokon hashtaget për vrasjet e civilëve në Bucha

Pronari i Facebook, Meta Platforms Inc, kufizoi hashtaget që lidhen me vdekjet e civilëve në Ukrainën veriore.

Trupat e njerëzve atje dyshohet se u qëlluan nga një distancë e afërt dhe u gjetën në një qytet të evakuuar nga forcat ruse. Vrasjet në Bucha, jashtë Kievit, kanë provokuar sanksione të mëtejshme kundër Moskës nga Perëndimi.

Midis rrënojave të automjeteve të blinduara të djegura, imazhet e trupave të vdekur në rrugët e qytetit ishin dëshmi e një “masake të qëllimshme të civilëve”, tha Ukraina të dielën në atë që përshkruhet si krime lufte të kryera nga ushtria ruse.

Zëdhënësi i Meta, Andy Stone tha se sistemet e automatizuara që skanojnë imazhe të dhunshme në Facebook dhe Instagram, të cilat kompania i zotëron do të merren me bllokimin e hashtag-eve duke përfshirë #bucha dhe #buchamassacre.

Grupet e të drejtave të njeriut kanë kritikuar qasjen e Metës për heqjen e përmbajtjes së dhunshme gjatë konflikteve, duke thënë se praktika e tij e pastrimit të të dhënave nga serverët e saj pas 90 ditësh rezulton në fshirjen e provave kritike të krimeve të luftës.

LEXONI GJITHASHTU:

• Facebook dhe Instagram kufizojnë postimet e mediave ruse