Mijëra francezë protestojnë kundër të djathtës ekstreme

Në Paris dhe në qytete të tjera në të gjithë Francën, mijëra njerëz protestuan kundër të djathtës ekstreme përpara balotazhit presidencial të fundjavës së ardhshme, raporton Euronews.

Raundi i parë i zgjedhjeve presidenciale konfirmoi dy kandidatët të cilët do të përballen në raundin e dytë, Emanuel Makron dhe Marin Le Pen një përsëritje e zgjedhjeve të 2017-s, ku Makron arriti të fitonte ndaj politikanës se ekstremit të djathtë.

“Asnjë votë për Marine Le Pen!” brohoritnin demonstrues në Lille. Kandidati i krahut të majtë Jean-Luc Mélenchon e përsëriti të njëjtën frazë disa herë në një fjalim para mbështetësve fundjavën e kaluar.

“Ne jemi këtu për t’i thënë jo të djathtës ekstreme, për shoqërinë, liritë por edhe klimën. Do të ishte një regres i vërtetë nëse do të vinte në pushtet”, tha Jean-François Julliard, drejtor menaxhues i Greenpeace France . Ai ishte një nga disa mijëra njerëz që protestuan në Paris.

LEXONI GJITHASHTU:

• Presidencialet në Francë, Le Pen thirrje që NATO dhe Rusia të afrohen
• Zgjedhjet në Francë, Makron dhe Le Pen do përballen në raundin e dytë