Milani zhgënjen në Champions, Liverpool mposht Atleticon

Milani bie në Oporto dhe tani është shumë pranë eliminimit në grupet e Champions pas tre ndeshjesh dhe 0 pikësh të koleksionuara.

Skuadra portugeze meritoi suksesin me një paraqitje më të mirë se kuqezinjtë, teksa goli i vetëm u shënua nga mesfushori Diaz, që me një diagonale të bukur mposht portierin Tatarusanu.

Për herë të parë në historinë e klubit, Milan ka humbur tri ndeshjet e para të fazës me grupe të Champions League.

Në ndeshjen tjetër të Grupit B, Liverpool siguron vendin e parë falë fitores 3-2 të marrë në fushën e Atletico Madrid.

Anglezët kaluan në avantazh të dyfishtë falë dy golave të Salah dhe Keita, por spanjollët u kundërpërgjigjën duke barazuar me dy gola të Griezman në minutën e 20-të dhe 34-t.

Francezi ishte protagonist edhe në pjesën e dytë, duke u ndëshkuar me karton të kuq në të 52-ën pas një ndërhyje të rrezikshme ndaj Firmino-s.

Goli që vendosi ndeshjen u realizua nga Salah me penallti në minutën e 78-të.

Edhe PSG ka marrë një fitore të vuajtur 3-2 kundër Leipzig në javën e tretë të të fazës me grupe të Champions League. Ishte ylli argjentinas Leo Messi që vendosi ndeshjen e luajtur Në Parc De Prince

Mbappe i dha avantazhin vendasve, por Andre Silva dhe Mukiele përmbysën përkohësisht rezultatin për miqtp.

Më pas ka ardhur momenti i argjentinasit, i cili realizoi dy herë në minutën e 67-të dhe të 74-t duke i dhuruar tri pikët PSG-së, që ka rimarrë kreun e Grupit A.