Milwaukee Bucks shpallen kampionë të NBA pas 50 vitesh

Milwaukee Bucks arriti të fitojë titullin e parë kampion në basketbollin amerikan pas 50 vitesh.

Skuadra e udhëhequr nga gjiganti grek Giannis Antetokounmpo mundi 4-2 në serinë e finales me Phoenix Suns. Në ndeshjen e fundit Antetokounmpo realizoi 50 pikë teksa skuadra e tij fitoi 105-98.

Vlen të thuhet se Bucks i kishin humbur dy ndeshjet e para nga seria prej “më së mirës prej shtatë përballjeve”. Ata u bënë kështu skuadra e pestë që ia del të përmbysë një finale.

Game 2: 42 points
Game 3: 41 points
Game 6: 50 points https://t.co/zOPrCwFC5Q

— NBA.com/Stats (@nbastats) July 21, 2021

Phoenix Suns kërkonin të shpalleshin kampion pas 53 vitesh dhe vinin në finale pasi kishin humbur seritë e vitit 1976 dhe 1993.

Sidoqoftë me Antetokounmpon e papërmbajtshëm në parket, Bucks ia hodhën sërish poshtë këtë ëndërr duke marrë sërish titullin pas vitit 1971. Kjo ishte ndeshja e tretë në serinë e finaleve që greku arrin të shënojë së paku 40 pikë dhe 10 zotërime nën tabelë.

Nga ana tjetër Antetokounmpo barazon arritjet e Michael Jordan  dhe Hakeem Olajuwon me vlerësimin për të dytin sezon radhazi si “Lojtari më i Çmuar” (MVP) i sezonit, i finaleve dhe Lojtari mbrojtës më i mirë i vitit.

Triumfi i Backs bëri që festa të mos përmbahej me mijëra tifozë që u mblodhën për të festuar titullin.

Cheered on the @Bucks to victory TOGETHER. 💚 pic.twitter.com/HjJxZTBrfz

— Deer District (@DeerDistrict) July 21, 2021