Minionët në misionin e ri, një video ndërgjegjësuese për të respektuar masat anticovid-19

Gru dhe Minionet janë ndër personazhet më të pëlqyer dhe argëtues për fëmijët.

Dhe këtë herë aktorët e njohur të filmit Unë Keqbërësi kanë një mision të ri,të dëshmojnë se për të luftuar kundër coronavirus duhet të ruhet distanca sociale.

Është ky mesazhi i realizuar jo vetëm me studion e animacionit por në bashkëpunim me Organizatën Botërore të Shëndetit dhe Fondacionin e Kombeve të Bashkuara.

Mesazhi i personazhit Gru që luhet nga aktori Seve Carell do të përkthehet në disa gjuhë, në spanjisht, frëngjisht, portugalisht arabisht dhe jo vetëm.

Në videon që zgjat pak minuta, Gru i nxit njerëzit të lajnë duart rregullisht dhe të mbajnë distancën fizike, të zbulojnë gjëra argëtuese për të bërë në shtëpi siç janë vallëzimi dhe gatimi i si dhe të jenë të sjellshëm me të tjerët.

Dhe sikundër në cdo mision tjetër minionët janë aty e së bashku me mikun e tyre dëshmojnë edhe një herë se ata janë gati të shpëtojnë botën.

Qëndroni në shtëpi të shëndetshëm e mos harroni ne jemi bashkë mbyllet mesazhi i personazhit Gru.