Ministri i Jashtëm ukrainas: Duam paqe të vërtetë në Ukrainë, jo qetësim

Ministri i Jashtëm ukrainas Andriy Sibikha, duke folur para Organizatës për Siguri dhe Bashkëpunim në Evropë (OSBE) është shprehur se Ukraina dëshiron paqe të vërtetë dhe jo një qetësim.

“Ne ende i kujtojmë emrat e atyre që tradhtuan brezat e ardhshëm në Mynih. Kjo nuk duhet të përsëritet kurrë. Ne kemi nevojë për paqe të vërtetë, jo për qetësim”, tha ai.

Sipas tij Evropa ka pasur shumë marrëveshje paqeje të padrejta në të kaluarën. Ai theksoi se të gjitha ato kanë çuar vetëm në fatkeqësi të reja. Ministri falënderoi SHBA-në për promovimin e përpjekjeve për paqe dhe u zotua se Ukraina do të shfrytëzojë çdo mundësi në përpjekjet e saj për t’i dhënë fund kësaj lufte”.

Presidenti ukrainas Volodymyr Zelensky tha të martën se ekipi i tij po përgatitej për takime në Shtetet e Bashkuara dhe se dialogu me përfaqësuesit e Trump do të vazhdonte.

LEXONI GJITHASHTU:

• Sulmet ndaj anijeve në Detin e Zi, Turqia takim me ambasadorët e Ukrainës dhe Rusisë
• Gjermania dërgon avionë në Poloni dhe Rumani për të mbrojtur hapësirat ajrore