Ministri i Mbrojtjes i Izraelit: Irani kaloi vijat e kuqe, qëlloi raketa mbi civilë

Ministri i Mbrojtjes i Izraelit, Israel Katz, thotë se Irani “ka kaluar vijat e kuqe pasi guxoi të qëllojë me raketa ndaj përqendrimeve të popullsisë civile në Izrael”.

“Irani kaloi vijat e kuqe kur guxoi të qëllonte me raketa qendrat e popullsisë civile në Izrael. Ne do të vazhdojmë të mbrojmë qytetarët e Izraelit dhe do të sigurohemi që regjimi i ajatollahëve të paguajë një çmim shumë të rëndë për veprimet e tij të urryera”, tha ai.

Deklarata e Israel Katz vjen pasi Irani lëshoi një breshëri raketash balistike, të cilat goditën zona të ndryshme në të gjithë Izraelin, përfshirë edhe zonën metropolitane të Tel Avivit.

Sulmi u cilësua si një nga më të rëndët në dekada dhe erdhi si kundërpërgjigje ndaj Operacionit “Luanët në Ngritje”, një sulm i ndërmarrë nga Izraeli ndaj objektivave ushtarake dhe bërthamore në territorin iranian.

Sipas autoriteteve shëndetësore izraelite, të paktën 17 persona janë plagosur si pasojë e sulmeve iraniane.

LEXONI GJITHASHTU:

• Pamje ekskluzive nga strehimorja në Izrael gjatë sulmeve ajrore iraniane
• “Dy avionë luftarakë janë rrëzuar”, Irani lëshon qindra raketa balistike në Izrael
• VIDEO/ Rriten tensionet, mediat iraniane publikojnë pamje të raketave drejt Izraelit