Ministria ruse e Mbrojtjes: Kemi sulmuar vetëm bazat ushtarake

Ministria ruse e Mbrojtjes tha të shtunën se nisi sulme me raketa  gjatë natës kundër objektivave në Ukrainë,  por pretendoi se kishte në shënjestër ekskluzivisht infrastrukturën ushtarake.

Ky reagim erdhi nga Ministria e Mbrojtjes, pasi u shfaqën video të një ndërtese të lartë rezidenciale pranë Kievit që u godit nga një raketë.

“Gjatë natës, Forcat e Armatosura të Federatës Ruse filluan një sulm me armë precize me rreze të gjatë duke përdorur raketa të lëshuara nga ajri dhe deti kundër objekteve të infrastrukturës ushtarake ukrainase”, tha gjeneral-major Igor Konashenkov në një deklaratë video.

“Theksoj edhe një herë se zjarri është drejtuar vetëm në objektet e infrastrukturës ushtarake të Forcave të Armatosura të Ukrainës, duke përjashtuar dëmtimet në infrastrukturën rezidenciale dhe sociale”, u shpreh ai.