Ministrja Balluku i përgjigjet PD-së: Inceneratorët janë të domosdoshëm

Pavarësisht kritikave, qeveria shqiptare është e vendosur të mbështesë ndërtimin e inceneratorëve. Kështu u shpreh sot ministrja e Infrastrukturës dhe Energjisë, Belinda Balluku në studion e “Ilva Now”.

Ajo iu përgjigj edhe opozitës së bashkuar, e cila pretendon se ndërtimi i inceneratorëve është një aferë e pastër korruptive.

“Inceneratorët janë shumë të rëndësishëm, sepse mjafton të shkosh në Sharrë si ka qenë dhe si është sot. Mjafton të shikosh zonën e Spitallës dhe ta shikosh sot. Mbetjen nuk po hidhen. Akuzat e PD unë besoj, ka organe tashmë. Të vazhdojë në SPAK dhe SPAK mund ta hetojë, PD nuk ka nevojë të na hetojë përmes kutive të ekraneve”, tha ajo.

Gjithashtu znj. Balluku theksoi se ndërtimi i inceneratorëve është domosdoshmëri për shoqërinë. Sipas saj, shumë shpejt kapacitetet e landfilleve do të ezaurohen dhe mospasja e inceneratorëve do të shkaktojë pasoja të parikuperueshme.

“Inceneratorët duhen, sepse vjen një kohë se volumet e landfilleve ezaurohen. Landfillet janë ngritur, sepse ka pasur dëgjesa. Ne inceneratorët kanë nisur nga puna dhe do të vijojnë, pavarësisht se çfarë thotë PD-ja”, tha Balluku.

Intervista e plotë: