Ministrja e Jashtme e Kosovës e infektuar me COVID-19

Ministrja e Punëve të Jashtme në Kosovë, Donika Gërvalla ka konfirmuar se është infektuar me COVID-19.

Përmes një statusi në Facebook, Gërvalla shprehet se falë vaksinës, ka arritur të përballojë virusin pa ndonjë komplikim të rëndë.

“Ndodhem tashmë në ditët e fundit të karantinës si pasojë e infektimit me Covid19 dhe jam shëndosh si molla, duke punuar çdo ditë me shumë vullnet për të përfunduar së paku një pjesë të punëve të shumta që na presin. Falë vaksinës së marrë, kam pasur fatin të mos ballafaqohem me komplikime të rënda”, shprehet ministrja.

Ministrja e Jashtme u ka bërë apel qytetarëve që të vaksinohen pasi në këtë mënyrë mbrojnë shëndetin dhe japin një kontribut të vlefshëm në kapërcimin e kësaj sfide.