Miqësoret: Holanda ngec me Meksikën, Gjermania dhe Turqia dhurojnë spektakël, shkëlqen Italia

Frank de Boer e nisi me humbje aventurën në postin e trajnerit të kombëtares Holandeze. Tulipanët u mposhtën 1-0 nga Meksika në një ndeshje miqësore.

De Boer mori vendin e Roland Koeman i cili u largua nga drejtimi i skuadrës për të marrë postin e trajneri të Barcelonës.

Ndërkohë që një sidë plot rivalitet ishte ajo mes Gjermanisë dhe Turqisë, që u mbyll në barazim 3-3. Trajneri i përfaqësues gjermane, Johakim Lew kishte vendosur që të eksperimentonte disi me formacionin duke aktivizuar disa futbollistë të rinj e duke i provuar në pozicione të ndryshme dhe paraqitja që ata dhanë ishte e kënaqshme.

Në fushë zbriti edhe Italia, që arriti një fitore të thellë përballë Moldavisë në shifrat 6-0.

Një test mjaft pozitiv për të kaltrit, që vinin në këtë përballje me shumë ndryshime në formacion.

5 gola u shënuan vetëm në pjesën e parë me autorë Cristanten, Caputon dhe El Shaaraw , ndërsa një finalizim ishte autogol i Posmac.

Në pjesën e dytë Italianët u mjaftuan me një gol, të Berardit.

Në ndeshjet e tjera miqësorë Franca mposhti thellë 7-1 Ukrainën, ndërkohë që Portugalia dhe Spanja u ndanë në barazim pa gola