Miqësorja me Arabinë Saudite, përfundon stërvitja në Durrës

Kombëtarja shqiptare i ka dhënë fund seancave stërvitore në stadiumin ‘Niko Dovana’ të Durrësit këtë të hënë, ndërkohë që bëhet gati për t’u nisur drejt Abu Dabit. Në përgatitjet e fundit kanë marrë pjesë 18 lojtarë, I bashkuar së fundmi dhe Arbnor Muçolli, që është stërvitur rregullisht me skuadrën.

Pasditen e së hënën klubi bën nisjen drejt Arabisë, aty ku do të bëhet dhe akomodimi, ndërkohë të martën mbahet seanca stërvitore në stadiumin ku luhet dhe sfida. Pesë nga futbollistët e ftuar do të udhëtojnë menjëherë në Abu Dabi të hënën për t’u bërë pjesë e Kombëtares. Bëhet fjalë për Ardit Tolin, Mario Mitaj, Bekim Balaj, Elhan Kastrati dhe Gentian Selmani, të cilët janë të impenjuar këtë të diel me klubet e tyre.

Siç u bë me dije dhe gjatë publikimit të listës së lojtarëve të grumbulluar, një numër I madh I tyre janë nga superliga shqiptare. Kjo është një mundësi e mirë për ta që të bindin trajnerin Edoardo Reja e të kenë një vend në ekip. Miqësorja mes Arabisë Saudite dhe Shqipërisë luhet në 26 tetor në ‘Al Nahin Stadium’ në orën 16:30, ndërkohë nuk do të transmetohet nga mediat.

LEXONI GJITHASHTU:

• Zgjedhjet vendore, kur duhet të regjistrohen partitë në KQZ?
• Më 14 maj do të zhvillohen zgjedhjet vendore
• Albumi i ri i Taylor Swift thyen rekordin në Spotify