Mjekët e Spitalit të Traumës në protestë për arrestimin e dy kolegëve të tyre

Mjekët e Spitalit të Traumës kanë protestuar për 1 orë përpara ambienteve të punës për faktin që dy kolegët e tyre po mbahen në burg.

Kirurgu ortoped, Ervin Sulaj dhe mjeku anestezist Serdi Memini, janë akuzuar se kanë marrë ryshfet për të operuar të miturin me iniciale E.D, i cili ngeli i plagosur në ngjarjen e rëndë të Velipojës.

Gjykata e Shkodrës i la mjekët në qeli, ndërsa kolegët e tyre thonë se po trajtohen si kriminelë.

“Ne kërkojmë që kolegët tanë të mos ndodhën tani atje ku ndodhen. Kërkojmë një gjykim të lirë, arrest shtëpie”, u shpreh një mjeke.

“Drejtësia të bëj punën e vet por mjekët të ndiqen në arrest shtëpie dhe jo të përfundojnë në burgjet njëlloj si kriminelët”, tha një tjetër mjek.

Në këtë tubim u artikulua edhe kërkesa që spitalet duhet të jenë autonome.

Kirurgu Myftar Torba, në këtë protestë solli një tjetër propozim, sa i takon shpërblimeve që marrin ndaj punës dhe kujdesit ndaj pacientëve.

“Pagesat, këto dhurata duhet të jenë formale, të paguhen në recepcion më fatura të rregullta, të taksuara”, tha ai.

Të dy mjekët u arrestuan pasi uniformat blu, pas kontrollit sekuestruan shumën prej 377.000 lekë të rinj dhe 55 euro.

LEXONI GJITHASHTU:

• Lihen në burg mjekët dhe infermierja që morën ryshfet për të plagosurin në Velipojë
• Arrestohen 2 mjekë të “Traumës”, akuzohen se morën para për të operuar të plagosurin në Velipojë
• Si nisi konflikti në Velipojë që la pas katër viktima dhe dy të plagosur