Mjekët në Kosovë kërkojnë rritje të pagave

Sindikata e bluzave të bardha në Kosovë organizoi një protestë para Ministrisë së Shëndetësisë dhe Qeverisë.

Shtesat mbi pagën ishin pika e parë, për të cilën ata akuzuan dhe sulmuan ministrin e Shëndetësisë, Arben Vitia.

Kryetari i Sindikatës së Mjekëve të Kosovës, Blerim Syla deklaroi se përgjatë gjithë këtyre muajve në pandemisë, ministri i ka neglizhuar totalisht punonjësit e sektorit shëndetësor.

“Situata është më e rëndë se kurrë kemi shkelje të të drejtave të infermierëve, mjekësve, specializantëve, të pastruesve dhe të gjithë zinxhirit komandues vetëm për neglizhencën e zotërisë Vitia”, tha ai.

Para institucioneve shëndetësore, sindikata e personelit shëndetësor, kërkoi rritjen e pagave.

“Kërkesa janë zbatimi i ligjit të pagave dhe jo të jepen lëmosh. Ne nuk jemi për lëmosh”, deklaroi Syla.

Duke mos dashur të ndërpresin trajtimin e të sëmurëve dhe pacientëve që kanë nevojë për ta, punonjësit e shërbimit shëndetësor u shprehën se kishin zgjedhur të jenë të paktë në numër.

Por përshkallëzimi i protestës dhe radikalizimi i saj duhet të merret në konsideratë nga Ministria e Shëndetësisë dhe Qeveria.