Mjekët në qelinë e Mlladiç: Rrezikohet nga goditja në tru

Një ekip mjekësh nga Republika Srpska, ka kryer dje ekzaminimin e parë mjekësor të kriminelit të luftës Ratko Mlladçc, i cili është dënuar me burgim të përjetshëm. Teksa do të kryejë edhe një tjetër ekzaminim sot.

Mjeku Sinisha Miljkoviç theksoi se janë fokusuar në dokumentacionin e gjerë, si dhe në terapinë që po merr Mlladiç.

“Kemi kaluar katër orë duke biseduar me të. Ai ka pasur dy goditje në tru, gjithashtu ka probleme me zemrën dhe psikosomatike dhe merr një numër të madh të barnave”, tha  ai. “Ne do t’i kushtojmë vëmendje edhe parandalimit dytësor, sepse rreziku i një goditjeje të re është i lartë. Ne do të përgatisim një raport gjithëpërfshirës dhe do t’ia dorëzojmë Shërbimit Mjekësor në Hagë. Ne do të paraqesim edhe rekomandimet tona”, ka shtuar Miljkoviç.

Ratko Mlladiç është dënuar me burgim të përjetshëm. Ai u shpall fajtor për krime lufte, përfshirë gjenocidin në Srebrenicë, të kryera në territorin e Bosnjës dhe Hercegovinës nga viti 1992 deri në vitin 1995.